Ibn Battuta

Dr Abu Abdullah Muhammad ibn Battuta, arabisch أبو عبد الله محمد بن بطوطة‎, DMG Abū ʿAbd Allāh Muḥammad b. Baṭṭūṭa, (* 24. Februar 1304 z Tanger/Marokko; † 1368 oder 1377^[1] in Marokko) isch e berberische Forschigsräisende im 14. Joorhundert gsi. Won er äinäzwanzig gsi isch, het er die muslimischi Pilgerfaart uf Mekka gmacht. Denn isch er witer gräist, und het e Räis vo mee as 120'000 Kilometer dur die ganzi islamischi Wält und drüber uuse gmacht^[2]. Si Bricht under em Ditel Rihla / رحلة‎ / riḥla /‚Reise‘ verzellt vo däm, won em bassiert isch.

Fast alles, was mä über s Lääbe vom Ibn Battuta wäiss, stammt us ere äinzige Kwelle – nämlig vom Ibn Battuta sälber. Do und dört isch s äidütig, ass er Aagoobe über Ort oder Abentüür erfunde het, aber vilmol cha mä hüt nüm feststelle, öb er über Daatsache brichtet oder Määrli vrzelt.

1. ↑ S Joor vo sim Dood wird in dr middelalterlige arabische Litratuur underschidlig mit 770 n. H. (A.D. 1368) und 779 n. H. (1377 A.D.) aagee. Lueg doodrzue J. M. Cuoq (Hg.), Recueil des sources arabes concernant l'Afrique occidentale du VIIIe au XVIe siècle. Paris 1975, S. 289.
2. ↑ Tarih ve Medeniyet: Charte vo de Räise vom Ibn Battuta, 1325 bis 1354 (änglisch)